ИлГәрәй хатыны Айгөл белән аерылышкан?

“Илназның (ИлГәрәйнең үз исеме) инстаграм битендә бер кыз активлашты. Ә бәлки кыз да түгелдер, егеттер. Безнең бөтен гаилә серләрен ачты. Балаларыбыз да безгә охшамаган, аерылышуыбызны да халыкка чыгарган. Ә без боларны тырыша-тырыша яшереп яшәдек.

Әйе, аздан гына аерылышмадык шул. Сәбәбе – без бер-беребезгә артыгы белән туры киләбез. Кирәк икән, юл куябыз, дәшми калабыз, бер-беребезне кайгыртабыз, хөрмәт итәбез. Икебез дә бик яхшы булганга, аерылышырга булдык.  

Ә чынлыкта, бу комментарийларга ышанучылар бармы ул? Бардыр дип уйлыйм. Мин ул кешенең битен монда билгеләмим. Ул моны безне Илназ белән талаштыру, репутациясенә тап төшерү, эмоциягә бирелү һәм башка максат белән язган. Куркак ул, чөнки күзгә карап әйтергә шүрли!” - дип язган Айгөл Гәрәева.