Ильмира Нәгыймова: "Руслан миңа бөтенләй игътибар итмәде"

“Руслан белән Казан музыка көллиятендә бергә укыдык. Ул вакытта Руслан миңа бөтенләй игътибар итмәде, югары курс кызлары белән аралашты. Укуны тәмамлагач кына, үзенең концертында җырларга чакырды. Мине телевизорда күреп ошаткан. Аннары, киресенчә, мин аны үземнең концертыма чакырдым. Шулай итеп, очраша башладык. Сигез ай йөргәннән соң, никах укыттык. Ярты елдан соң туебыз узды. Һәм менә тугызынчы ел матур гына яшибез, Аллаһка шөкер”, - диде Ильмира Нәгыймова.