Илнар Сәйфиев: "20 еллык иҗат юбилеема әзерләнәм"

“22 апрельдә миңа – 40 яшь, ә сәхнәдә иҗат итүемә 20 ел тула. Юбилей елы уңаеннан көздән Татарстан, Башкортстан, Екатеринбург якларында концертлар куярга исәп, Аллаһы боерса. Хәзерге вакытта репертуарыма яңа җырлар туплау өстендә эшлим.

Үзем үскән Тукай районы Биклән авылында чишмә ясарга сүз биргән идем. Һәм мин ул эшне башкарып чыктым. Ул “Сабантуй чишмәсе” дип атала. Чишмә утлар белән яктыртылган, чәчәкләр клумбасы да бар. Быел чишмәнең биш еллыгы уңаеннан Сабан туе мәйданын тагын да зурайтып, яңартып эшләргә планлаштырам. 

Тагын бер яңалыгым бар – хәзер дөрес туклану рәвеше алып барам. Кичке сәгать 5тән соң ашамыйм, көн саен 20 чакрым җәяү йөрим. 85 килодан 72гә калдым. Максатым – 60 килога кадәр ябыгу”, - дип сөйләде Илнар Сәйфиев.