Илназ Баһ Гүзәлгә "Мерседес" бүләк иткән!

“Иртән ишегалдында мине “Мерседес” машинасы каршы алды! Тик ул чын түгел, ә уенчык машина. Илназ машина турында хыяллануымны белә, тик “Мерседес” булмаса да ярый”, - ди әле дә өметен өзмичә Гүзәл.

Әлбәттә, Илназ уенчык машина белән генә чикләнмәгән. “Гаиләдә бер миндә генә велосипед юк иде. Илназ, ниһаять, велосипед бүләк итте. Хәзер йөрергә өйрәнәсе калды”, - ди Гүзәл.

Гүзәл туган көнен “Туган авылым”да бергә эшләгән хезмәттәшләре белән билгеләп үтәргә җыена. Без дә, үз чиратыбызда, Гүзәлне чын күңелдән туган көне белән котлыйбыз, сәламәтлек, гаилә бәхете, иҗади уңышлар телибез!