Ильвина кызының укуы өчен елына күпме акча түли?

“Кызым Раяна Казанда халыкара мәктәптә укый. Андагы уку программасы бөтенләй башка төрле. Балалар июньдә дә укыды. Ә каникулга июль уртасында гына киттеләр. Каникуллары да башка төрле. Укулары август ахырында башлана. Әмма белем көне, башкаларныкы кебек үк, 1 сентябрьдә булачак”, - дип сөйләде безгә Ильвина.

Халыкара мәктәптә укуның түләүле икәнен һәркем белә. Елына ничә сумга төшүе турында Ильвина болай диде: “Мәскәү дәүләт университетында бер ел укуның бәясе Раяна укый торган мәктәп бәясеннән ике тапкырга арзанрак”.

Безгә билгеле булганча, ата-аналар балаларын әлеге мәктәптә укыту өчен елына якынча 700 мең сум акча түли...

Быел Раяна 5нче сыйныфка укырга барган. “Кызым алтынчы тапкыр мәктәпкә китте, ул 5 яшьтән укырга керде”, - ди җырчы. Раянага укуында уңышлар телибез!