«Ир-ат хатынының күпме акча эшләгәне белән кызыксынырга тиеш түгел»

– «Кызыгыз сезнең юлдан китмәдемени, ни белән шөгыльләнә», - дип сораучылар концертларда бик күп, чөнки кызым минем 3 китабымның да тышлыгында. Юк, Аллаһка шөкер. 
Мин кызымның, төннәр буе юлларда йөрүен, теләсә кайда кунып, теләсә нәрсә ашап, төн йокыларын калдырып азаплануын теләмим. Сәхнәдә ирең белән парлап эшләгәндә аңлап була. Артист тормышы җиңел түгел. Аллаһ кызыма зур бүләк, талант бүләк иткән һәм ул халыкны үз һөнәре белән сөендерергә тиеш. Киресенчә Аллаһ биргән талантын яшерә икән, бу гөнаһ. Раббыбыз Алисәмә талантын халыкны сөендерү өчен биргән. Хатын-кыз эшкә иртә китеп кич өенә гаиләсенә кайтырга, гаиләсе белән булырга тиеш һәм сайлап алган һөнәре аны сөендерергә тиеш дип саныйм. Тагын бер искәртмә, ир-ат хатынының күпме акча эшләгәне белән кызыксынырга тиеш түгел, гаиләне ир-ат туендырырга тиеш. Гаиләдә хатын-кызның үз вазыйфасы, - ди Гөлүсә Шаһбан.

Фотода күренгәнчә Гөлүсә Шаһбанның кызы аш-су остасы икән.