Җырчы Лилиана Газизова мактаулы бүләккә лаек булган

Бу хакта ул социаль челтәрдәге шәхси сәхифәсенә язган. 

– Нью-Йорк штаты ассамблеясе һәм шәһәр советы исеменнән мондый бүләкне алу – зур дәрәҗә, горурлык. Җырчы, вокал буенча укытучы буларак, үземне тулысынча эшкә багышлыйм. Хезмәтемне бәяләүләре сөендерә. Җитәкчеләр Уильям Колтон, Сьюзан Чжуан һәм Леонора Булычевага чиксез рәхмәтләремне җиткерәм. Бу бүләк мине яңа үрләргә, яңа иҗат җимешләренә рухландырып торачак, – дип яза Лилиана.