«Манзара» эшкә чыккан

«Манзара» тапшыруы бер ай ял иткәннән соң, кабат эфирга кайтты, - диде тапшыруларны алып баручы Гөлназ Рәхмәтуллина. - Эшне, тамашачыларны, хезмәттәшләрне сагынып җыелыштык. Ял вакытында яңгырлар туктаган арада кырга җиләккә йөрдек, мунчага каен себеркесе, кәҗәләргә тал, өрәңге җыйдык. Чемпионатны күзәтеп барабыз, балалар белән синхрон йөзү ярышларына бардык. Шушы көннәрдә туган көнем иде, бик күп котлаулар алдым. Олы кызым картина ясап, кечкенәсе төймәләрдән чәчәкләр үреп, сабын ясап бүләк итте. Бер дә күрсәтми, сиздерми эшләгәннәр, бик матур чыккан, әни кешегә бәхет өчен тагын нәрсә кирәк?! Шундый сөенечле хисләр белән йөрим...