Наталия Орейро Россия паспортын алырга җыена

Zoom аша ТАСС үткәргән әңгәмәдә Орейро җирнең икенче башында карантинның ничек узуын сөйләгән, хәзер ул Аргентинада ире, рок-музыкант Рикардо Мольо һәм улы Мерлин белән яши, мөмкин кадәр тизрәк Россиягә килергә вәгъдә иткән. Өстәвенә, ул инде Россия гражданлыгын да сораган икән.
- Мин Россия паспортын алу буенча тиешле процедураны башладым. Моның өчен Россия илчелегендә Аргентинада документларымны җыеп тапшырдым, - дигән җырчы. - Россия паспортын алу теләге шаяртудан, теләктәшлектән башланды. Мин Иван Ургант программасында катнаштым, һәм ул миңа: "Сез чит ил кешеләре арасында иң русы" (русча: самая русская среди иностранок), диде. Мин аңа, бернинди шигем юк, дип җавапладым. Һәм шунда Путинга, миңа гражданлык бирергә кирәк иде, дидем. Моны шаяртып кына әйткән идем ләбаса. Чынлыкта, минем Россия гражданлыгын бик тә аласым килә. Бервакыт мин төрле сораулар буенча илчелеккә киттем. Мин бит бик күп сәяхәт итәм һәм Россия белән ныклы элемтәдә торам. Моны рәсми рәвештә рәсмиләштерергә теләр идеңме, дип сорадылар. Бу минем өчен намус булыр иде, дидем. Тиешле кәгазьләрне тутырып илчелеккә тапшырдым. Карарбыз... Бүгенге көндә миндә җанатарлар бүләк иткән Россия паспортлары күп, 15ләп. Ләкин алар чын түгел. (Көлә)

фото: https://www.instagram.com/natalia_oreiro_world/