Римма Никитина: «16 сы көнне туй да, концерт та булмый»

Бу көнгә туемны да билгеләмим, хәтта концертлар да куймыйм, ди. 
– 8 ел элек 16 апрельдә ике дус кызым концертыма килгәндә юлда  авариягә очрап, гомерләре өзелде. Шул кадәр әрнүле югалту булды ул. Мин хәзер аларның балаларына ярдәм итеп яшим. 7 елдан соң бу кайгы 16 февраль көнне яңадан кабатланды... Бер ел элек миңа сюрприз ясарга теләгән 16 яшьлек  племянницам дус кызлары белән концертыма килергә уйлаганнар. Юлда алар да авариягә очраган... Машинада 3 кыз, Алина утырган якка йөк машинасы бәрелеп, араларында бер ул гына үлгән дә. Миңа концерттан соң гына әйттеләр, акылдан шашар чиккә җиттем. Алина – ике буын туганым Олесяның кызы. Олеся өч кыз үстерә, Алина иң олысы иде. Минем күз алдымда үскән бала, Олеся белән туганнар гына түгел, без бик дуслар да. Күрәчәкләр берничшк тә качып котылып булмый шул... Алинаны җирләгәч, кырыгына кадәр нибары бер мәртәбә төшемә керде. Ап-ак күлмәктән иде. Без аны табутта туй күлмәгеннән җирләгән идек, дин буенча кияүгә чыкмаган кызларны, беләсез, ак күлмәктән җирлиләр, – ди Римма.

Әлбәттә, үзе сөйли дип вәгъдә иткәнчә, февраль яңалыклары турында да кызыксындык. 
–    23 февраль көнне яңа клибым чыгачак һәм ул барысына да ачыклык кертәчәк. Менә шуннан соң бөтен карталарны да ачып салам, төп яңалыгымын да сөйлим. Әз генә көтегез, күп калмады, – ди Римма.

Ә без нәрсә, көтәбез! Димәк, тиздән!