Римма Никитина: «Егетләрнең һәммәсен дә юк итәләр. Араларыннан бер Наил генә исән кала...»

Бүген алар Наил белән Мәскәү телеканалы аша зур серләрен чишәчәкләр. Без исә әз генә интрига кузгатып куярга булдык әле. 
- Римма, вакыт җитте, әйтик инде әйтәсен. 
- Наил миңа, танышып сүз салгач, берникадәр вакыттан соң югалды. Ә ул алгы сызыкка кереп киткән, бик авыр һәм катлаулы задание белән. Кызганыч, егетләрнең һәммәсен дә юк итәләр. Араларыннан бер Наил генә исән кала. Әмма бик каты яралана. Кушылган  заданиене җиренә җиткереп үтәгәч, безнең якка шуыша. Тик тепловизорлар күтәрелә. Ул һәлак булган иптәшләренең гәүдәләренә сыенып, үлгән булып ята. Ике тәүлек үлем белән күзгә-күз яшәү өчен көрәшә. Ләкин безнең якка чыгып җитә алмый, аңы әсирлеккә алалар. 4 ай тоткынлыкта була. Шушы вакыт эчендә югалгач та ул минем күңелемнән китмәде, шаяргандыр да туктагандыр, дидем. Әсирләрне алмаштырганда, аңа да бу бәхет елмая. Ләкиң анда күргәннәре коточкыч хәлләр инде, – ди Римма. 
Наил – Сарман егете. Якташларын да, Риммаңың иҗатын яратучыларны бүген телеэкраннардан яңгыраган сүзләр, кадрлар битараф калдырмас.