Римма Никитина: «Узган ел, Кыш бабай, икенче елга үз ярымны алып кил, дип хат язган идем...»

— Римма, яңалык ишетәсе килә бит, көткәң сүзне кайчан әйтәсың инде?
— Февраль ае җитсен, татар эстрадасы янә кайнап алачак. Шуңа кадәр түзегез. Әлегә эш күп, концертлар, чыгышлар... Быел Яңа ел корпоративлары да шәп кенә табыш китерде, шөкер.

— Әле егетеңне әниең белән таныштырдыңмы?
— Февральдә, Аллаһы боерса. Әни дә көтә бу танышуны. Ә минем ашыгасым да, ашыктырасым да килми. Үз җае белән. Март хәлиткеч ай булачак. 

— Быелгы Яңа елны бергә каршылыйсызмы?
— Әлбәттә! Икәү бергә! Безнең ел булачак ул. Узган ел Кыш бабайга хат язган идем. Абый да, апа да үз ярлары белән, мин генә ялгыз, Кыш бабай, икенче елга үз ярымны алып кил, тиңем белән — икәү каршыласак иде Яңа елны, дигән идем, менә бит, мин дә быел парлы! Ялгызларга теләгем шул — ихластан сорагыз Аллаһыдан, һич югы Кыш бабайга хат языгыз. Ә минем тормышны зур үзгәрешләр көтәчәк быел.