#Шоу-бизнес 05 февраль 2025, 17:27

Ришат Фазлыйәхмәтов: «Улым “Әтием”, – дип кочаклап алды...»

05 февраль 2025, 17:27

Җырчы Ришат Фазлыйәхмәтов бик озак еллардан соң беренче тапкыр улы белән очрашты.

Скопировать ссылку

Җырчы Ришат Фазлыйәхмәтов бик озак еллардан соң беренче тапкыр улы белән очрашты.

«Бүген минем бик шатлыклы көнем, дуслар. Улым белән күрешергә очам, Аллаһы боерса, малаем Искәндәр белән», – дип сөйләп, самолеттан видеолар куйган иде. Без дә Ришат белән хәбәргә чыгып, очрашу турында сораштык.
– Улым белән күрешкәнче бик дулкынландым. Үземнең балачак та искә төште, күптән көтелгән очрашу бу. Күрешкәч: “Әтием”, – дип кочаклап алды. Сагынган, балакай. Мине социаль челтәрләр аша гел күзәтеп, карап барган. Бу бик кадерле мизгелләр. Хәзер аралашып, күрешеп торачакбыз, Аллаһ бирса. Элеккеге тормыш иптәшем белән барысына да ачыклык керттек, мөнәсәбәтләрне җайладык.
– Хәзерге тормыш иптәшегез аралашуга каршы түгелме?
– Эльмира улым белән аралашуга каршы килми, киресенчә: “Аралашып, дус-тату яшәгез”, – ди. Улым әнисе белән бик матур шәһәрдә яши. Аны кунакка көтәм. Бергәләшеп туган якларга кайтып килергә дә исәп бар.