Җырчы Мурат Гайсин әти булды!
Татар эстрадасы җырчысы Мурат Гайсин әти булды. Мурат хатыны Альбинаның йөкле булуын 9 ай буе беркемгә сөйләмәгән. “10 ел көткән балабыз туды, Аллаһка шөкер”, - дип шатлыгы белән уртаклаша җырчы.
Татар эстрадасы җырчысы Мурат Гайсин әти булды. Мурат хатыны Альбинаның йөкле булуын 9 ай буе беркемгә сөйләмәгән. “10 ел көткән балабыз туды, Аллаһка шөкер”, - дип шатлыгы белән уртаклаша җырчы.
“Кызыбыз 1 октябрь көнне 19:36 сәгатьтә дөньяга килде. Баланың буе – 53 см, авырлыгы – 3300 грамм. Альбина да, бала да үзләрен яхшы хис итә. Сабыйга Мәрьям дигән исем сайладык”, - диде безгә Мурат.
Бала туган мизгелдә Мурат Альбинаның янәшәсендә булган. “Без сабыебызны ничә еллар буе көттек, шуңа да бу минутларда Альбинаның янында булырга теләдем. Ахыргача бергә булырга язсын. Алар өчен бик борчылдым ки, бала тудыру йортыннан исерек кеше кебек хәлсезләнеп чыктым”, - ди әти кеше.
“Шушы 10 ел эчендә журналистлардан һәм башка кайберәүләрдән нинди генә мәгънәсез сораулар ишетмәдек: “Нишләп балагыз юк, әллә булышыйкмы?”, “Кемдә проблема: синдәме, хатыныңдамы?” Барысы да Аллаһ кулында. Андый сораулар бирмәсеннәр иде. Балалары булмаган гаиләләргә сабырлык телим, беркемне дә тыңламагыз. Аллаһы Тәгаләдән сорагыз, барыгызга да бәхет телибез”, - ди Мурат Гайсин.
Гайсиннар гаиләсен кызлары тууы белән чын күңелдән котлыйбыз! Сәламәтлек, гаилә бәхете телибез!
Эльвира ШАКИРОВА
Кызыклы яңалыкларны күзәтеп бару өчен безнең МАХ каналына кушылыгыз.
Вход на сайт
Язмага реакция белдерегез
Мөһим
-
#Язмалар
Блогер Рамилә Антонова: «Язылучыларым минем белән бергә иремне көтә...»
-
#Җәмгыять
Олы бәйрәм: Бөек Җиңүнең 81 еллыгына багышланган тантаналы чаралар
-
#Кыскача яңалыклар
Казанда җылыту сезонын 7 майда тәмамларга планлаштыралар
-
#Кыскача яңалыклар
Авыл хатын-кызларына – 200 меңгә кадәр: Татарстанда түләүләрне арттырырга җыеналар
-
#Авыл
“Сенаж – 300 мең”: авыл хуҗалыгында чыгымнар арта, табыш кими
Комментарийлар