Аерылганда, фатир кемгә кала?

Россия Гаилә кодексы буенча, әгәр дә никах шартнамәсе төзелмәгән икән, ир белән хатынның милке гомуми кагыйдәләр буенча бүленә. Өйләнешкәч булдырылган бар мөлкәт ир белән хатынның уртак милке булып санала. Милекнең кем исемендә булуы бу очракта әллә ни зур роль уйнамый. Әгәр ирнең йә хатынның өйләнешкәнче милке булган икән, аерылышкан очракта, ул бүленми. Шулай ук ирнең йә хатынның бер-берсенә бүләк итеп бирелгән мөлкәте дә бүленми. Кызганыч, сезнең очракта фатир өйләнешкәнче алынганмы, өйләнешкәннән соңмы икәнен белмибез. Әгәр өйләнешкәч алынган икән, фатир уртак милек булып санала һәм анда икесенең дә өлеше бар.