#Сорау-җавап 28 февраль 2019, 10:41

Аллаһы Тәгаләне Тәңре һәм Ходай дияргә ярыймы?

28 февраль 2019, 10:41

Аллаһы Тәгалә турында сөйләгәндә, Тәңре һәм Ходай сүзен куллану дөрес түгел дип ишеттем. Аларны чынлап та әйтергә ярамыймы? Радик Хисамиев, Казан.

Скопировать ссылку

Әмәт бистәсе мәчете имам хатибы Равил хәзрәт Бикбаев:
– Тәңре – борынгы төрки сүз. Ул күк илаһысы дигән мәгънәне бирә. Шуңа да аны куллану дөрес түгел. Галимнәр Ходай сүзен кулланырга ярый дигән фикердә тора. Аның русчасы «Божество» була. Илаһи зат мәгънәсендә кулланганда, Ходай дип әйтергә ярый. Аллаһы Тәгаләгә дога кылганда, аның күркәм исемнәре белән эндәшегез. Әйтик, әр-Раззак (Ризыкландыручы), әл-Кадыйр (Кодрәтле), әл-Котдус (Изге). Аллаһның Коръән һәм сөннәттән алынган 99 исеме бар, алар арасында Ходай да, Тәңре дигәне дә юк.