Ана капиталы сертификатын алыштырыргамы?

Пенсия фондының Татарстан бүлеге идарәчесе Эдуард Вафин әйтүенчә, 2020 елдан ана капиталының суммасы арту сәбәпле элеккеге сумма күрсәтелгән сертификатларны яңасына алыштырырга кирәкми. 2020 елда туган беренче балага – 466617 сум каралган. Икенче туган балага ана капиталы 150 мең сумга арта һәм шул рәвешле 616 617 сумны тәшкил итә. Әгәр элек гаиләнең ана капиталына хокукы булмаса (мәсәлән, беренче ике бала ана капиталы гамәлгә кергәнче туган булса), 2020 елдан башлап, туган яки уллыкка алынган өченче, дүртенче һәм теләсә кайсы киләсе бала өчен дә шундый ук сумма каралган. 

– Ана сертификатын алуда бернинди чикләүләр юк. 15 апрельдән башлап Пенсия фонды сертификатларны гариза алмыйча рәсмиләштерә башлый. Ана капиталының күләмен яисә аның күпме калганын өегездән чыкмыйча гына пенсия бүлеге сайтындагы шәхси кабинет яисә дәүләт хезмәтләре порталы аша тикшереп карарга мөмкин, – ди Эдуард Вафин.