Фатир документларын югалтсаң нишләргә?

Росреестрның Татарстандагы идарәсе белгечләре җавап биргәнчә, югалган, зыян күргән, яраксызга әверелгән документларны, озакка сузмыйча, яңадан эшләтергә кирәк. Фатирга дәүләт теркәве турындагы яңа таныклыкны алу өчен яңадан гариза тапшырырга кирәк булачак. Моның өчен шәхесеңне таныклаучы документ һәм дәүләт пошлинасы түләргә туры киләчәк. Язмача төзелгән документларның расланган күчермәләре фатир хуҗасына, аның мөрәҗәгате нигезендә, биш көн эчендә бирелә. Әгәр документ нотариус аша раслатылган булса, турыдан-туры нотариуска мөрәҗәгать итәргә кирәк. Әгәр дә инде документ дәүләт хакимияте яки җирле үзидарә органнары аша бирелгән булса, шул органнарга мөрәҗәгать итәргә кирәк.