Фатирны хуҗасыннан башка сата алалармы?

Татарстан Росреестрының күчемсез милекне электрон рәвештә дәүләт теркәве бүлеге җитәкчесе Илсия Казакова аңлатуынча, сезгә Росреестрга гариза тапшырырга кирәк. Анда фатир белән бәйле сатып алу килешүләре бары сезнең катнашта гына уза ала дигән мәгълүмат күрсәтелергә тиеш. Әлеге гаризаны Татарстан Росреестрының рәсми сайтындагы шәхси кабинеты аша электрон рәвештә дә тапшырырга була. Күп функцияле үзәкләрдә дә гаризалар кабул ителә. Бу хактагы мәгълүмат биш көн эчендә күчемсез милекне бердәй дәүләт теркәве реестрында тикшереләчәк, һәм сезнең фатирны үзегездән башка бер мошенник та сата алмаячак.