Гриппка каршы прививка ясатырга соңармадыммы?

Татарстанның сәламәтлек саклау министрының беренче урынбасары Сергей Осипов аңлатуынча, хәзер гриппка каршы прививка ясатуның мәгънәсе юк, чөнки аның вакыты узды инде. Вакцина ясаткач, ике атна вакыт узарга тиеш. Ә грипп сезоны инде башланды. Шуңа күрә прививканы үз вакытында ясатырга кирәк. Бүген федераль үзәктән китерелгән вакциналарның барысы да ясалып  беткән. Җитәкче әйтүенчә, прививкаларның файдасына ышанырга кирәк, чөнки соңгы 5 елда аны ясаткан кешеләрнең берсе дә грипп белән авырмаган.