#Сорау-җавап 26 гыйнвар 2018, 10:03

«Инвалид балам белән мине тулай торактан куалар: безгә нишләргә?»

26 гыйнвар 2018, 10:03

Балам – инвалид. Аның белән икәү генә торабыз. Баланың авыру булуын белгәч, ирем ташлап китте. Кайчандыр эш урыныннан бирелгән тулай торакта яшибез. Хәзер күчәргә кушалар, ә безнең башка торыр урын юк. Нишләргә? Сәрия, Казан.

Скопировать ссылку

«Россия Федерациясе Торак кодексының 103нче маддәсенә үзгәрешләр кертү турында»гы 488нче Федераль закон (2017 ел, 31 декабрь) нигезендә, инвалид балалары булган гаиләләрне тулай тораклардан һәм хезмәт урыны торакларыннан, башка торак белән тәэмин итмәгәндә, чыгару тыела. Закон социаль найм килешүләренә, торак хуҗаларына һәм торакка ихтыяҗ булып исәптә торучыларга кагылмый. Димәк, сезнең бу бүлмәдә торырга тулы хокукыгыз бар.

Кызыклы яңалыкларны күзәтеп бару өчен безнең МАХ каналына кушылыгыз.

#сорау-җавап