«Казан» агропромпаркына автобуслар ник йөрми? 

Вознесение бистәсеннән ике автобуска утырып килдем, күпердән чыгарга, аннары тукталыштан Агропромпаркка җәяү керергә кирәк. Безнең кебек өлкән яшьтәге кешеләр өчен бу бик уңайсыз, әмма арзанлы, авылдан килгән продуктларны да аласы килә. «Казан» агропромпаркына махсус автобуслар җибәртеп булмыймы икән?
Рәмзия Абдуллина, Казан.

«Казан» агропромпаркыннан килгән җавапта әлеге мәсьәләнең актуаль булуы, тик компаниянең үз акчасына аны хәл итү мөмкин түгеллеге язылган иде. Без хатны Казанның транспорт комитетына юлладык. Анда да аерым махсус автобус маршруты булдыру мөмкинлеге булмавын әйттеләр.