Минем исемнән кредит алсалар нишләргә?

Сорауга Дәүләт алкоголь инспекциясенең Казан территориаль органы эчке базарны үстерү һәм координацияләү бүлеге җитәкчесе Марсель ШАҺИДУЛЛИН җавап бирә.
– Бу очракта сезгә кичекмәстән хокук саклау органнарына мөрәҗәгать итәргә, гариза язарга кирәк. Документлар булса, әйтик, сезнең исемгә ясалган ялган паспорт, кредит рәсмиләштерү турындагы белешмәләр – барысының да күчермәләрен полициягә тапшыру сорала. Моңа өстәп, үзегезнең командировкада булуыгыз­ны раслый торган документлар: поездга билетлар, кибет чеклары, башка документларны бирү дә комачау итми. Мондый көтелмәгән хәлләргә очрамас өчен, документларыгызны һәрчак җыеп йөрегез, паспортыгызны залогка куймагыз.