#Сорау-җавап 29 октября 2018, 10:42 Уку өчен 2 минут

Ни өчен күпбалалы булсак та мәктәптә бушлай ашатмыйлар?

29 октября 2018, 10:42

Уку өчен 2 минут

Күпбалалы гаилә булып саналса да (кызымның өч бала), мәктәптә аларны бушлай ашатмыйлар. Бу законлымы? Беркутовлар гаиләсе, Яшел Үзән

Скопировать ссылку

Ни өчен күпбалалы булсак та мәктәптә бушлай ашатмыйлар?

Закон нигезендә, мәктәптә кайсы категория укучыларны бушлай ашатырга икәнен һәр муниципалитет үзе хәл итә.
Бу соравыбызга Яшел Үзән районы башкарма комитетының мәгариф һәм фән идарәсе җитәкчесе Раиса Афанасьевадан мондый җавап килде: «Бүген Яшел Үзән районында күп балалы гаиләләрдән 1736 укучы исәпләнә. Аларны бушлай ашату өчен 19 384 783,60 сум акча таләп ителә. Муниципалитетта андый акчалар юк. Шуңа да карамастан, күп балалы гаиләләргә ярдәм йөзеннән, районда чаралар күрелә. дүрт һәм аннан да күбрәк балалары булган гаиләләргә ел саен бушлай ашату каралган».

Фото: pravo.moe

Кызыклы яңалыкларны күзәтеп бару өчен Вконтактега кушылыгыз.