СНИЛС карточкасы ник бирелми башлады?

Казан шәһәре, Киров районының пенсия бүлеге белгече Кристина Якимова аңлатуынча, быелның октябреннән шәхси лицевой счет номерлары язылган яшел карточка урынына шәхси исәп системасында теркәлү турында белдерү кәгазе килә башлаган. Әлеге документны кәгазь формада, электрон рәвештә дә кирәкле урынга тәкъдим итәргә була. Әлеге документны күп функцияле үзәкләрдә, Пенсия фондының клиент хезмәтендә, Дәүләт хезмәтләре порталында, Россия Пенсия фондының рәсми сайтындагы шәхси кабинет аша да алырга мөмкин. Хәзер кешеләрдә булган яшел карточкалар да гамәлдә. Аларны алыштырырга кирәк түгел.