Тозлы су кирәкме?

— Борынны тозлы су белән юдыру начар түгел. Кечкенә балаларны дәвалаганда, бу аеруча нәтиҗәле. Борын куышлыгына җыелган лайланы сеңгерә белмәгән балага шушы диңгез суын сиптерү ярдәм итә. Әлбәттә, борынны ел әйләнәсе юдыртырга кирәк түгел, чөнки борын куышлыгын киптерергә ярамый. Аннары, еш юдыртканда, борын куышлыгындагы файдалы, вируслардан саклаучы матдәләрне дә юдыртырга мөмкин.