#Сорау-җавап 20 май 2018, 08:56

Улым өчен фатир ала аламмы?

20 май 2018, 08:56

Улым озак еллар Түбән Камада «Нижнекамскнефтехим» заводында эшләде. Берничә ел элек социаль ипотека буенча фатир алырга дип чиратка баскан идек. Фатир бирәбез дигәндә генә, ул, каты авырып, хастаханәгә ятты. Фатир артыннан йөрү түгел, өй тирәсендә дә йөри алмый әлегә. Ә заводтан: «Сез безнең фатир бирү чиратын тоткарлыйсыз», – дип аптыраталар. Улым өчен мин йә аның бертуган сеңлесе фатир ала аламы? Фәймә Мөхәмәтҗанова, Түбән Кама.

Скопировать ссылку

Татарстан Президенты каршындагы Дәүләт торак фонды директоры киңәшчесе Мидхәт Шәрифуллин сүзләренчә, әнисе яки сеңлесе әлеге фатирны алырга мөмкин. Моның өчен нотариаль контора аша генераль ышанычнамә төзергә кирәк. Ул – түләүле хезмәт. Нотариус, кеше хастаханәдән чыгып йөри алмаган очракта, хастаханәгә үзе килеп барлык документларны тутыра ала. Бу очракта егет ышанычнамә кәгазендә аның эшләре өчен җаваплылыкны кемгә тапшырганын язарга тиеш.

Кызыклы яңалыкларны күзәтеп бару өчен безнең МАХ каналына кушылыгыз.