Марттан ниләр үзгәрә?

Персональ мәгълүматларны ныграк саклыйлар
Һәр кешенең шәхси мәгълүматлары хәзер ныграк сакланачак. Хәзер кеше үзенең кайсы шәхси мәгълүматын (исем яисә фамилиясеме, адресынмы, телефонынмы) күрсәтергә тели, шуны гына күрсәтә алачак. Моңа кадәр без персональ мәгълүматларны тикшерергә рөхсәт бирәбез дип кенә яза идек. Хәзер исә персональ мәгълүматларны законсыз тарату законсыз саналачак.

Балаларга пособие түләүдә үзгәрешләр
1 марттан гариза язмаган очракта Россиядә яшәү минимумыннан азрак керем туры килгән гаиләдәге өч яшькә кадәрге балаларга пособие түләнмәячәк. Элек процедураны пандемия сәбәпле кыскартканнар иде, пособие автомат рәвештә озайтылды.  

Хәзер балаларына 1 яшь тулган ата-аналарга ташламаны озайту өчен социаль түләүләрне исәпләү өчен кирәкле документларны җыярга һәм шәхсән тапшырырга кирәк булачак. Шулай ук балага ике яшь тулгач та бу процедураны кабатларга кирәк. Моннан тыш, социаль яклау органнарына һәм Республика Пенсия фондына яшәү урыны үзгәрү һәм пособие түләүне туктата торган башка сәбәпләр турында хәбәр итәргә кирәк. Закон буенча өч яшькә кадәрге балаларга пособиены ел саен, ягъни баланың һәр туган көненнән соң янә рәсмиләштерергә кирәк.

Мәктәпләрдә директор киңәшчеләре барлыкка киләчәк
1 марттан кайбер төбәкләрдәге мәктәпләрдә директорларның  тәрбия буенча киңәшчеләре барлыкка киләчәк. Алар мәктәпләрдә тәрбия эшләре белән шөгыльләнәчәк.

Билетсыз балаларны төшереп калдырмаячаклар
Җәмәгать транспортында билет сатып алмаган балаларны хәзер төшереп калдыру закон тарафыннан тыелачак. Бу өлкәннәрдән башка траспортта баручы 16 яшькә кадәрле балаларга кагыла.

Яңа юл билгеләре барлыкка килә
Россия юлларында фотовидеотеркәүче автоматик камера булу турында кисәтүче яңа билге барлыкка киләчәк. Әлегә кадәр бу хакта машина йөртүчеләргә фотоаппарат сурәте төшерелгән табличка гына хәбәр итә иде.

Лилия Локманова