Салымны ничек түлим?

«Казанда ике бүлмәле торагыбыз бар иде, малай үсеп килә, дип, мөмкинлек булгач, быел тагын бер фатир алып куйдык. Хәзер безгә милек салымын ничек түләргә? Берничә фатиры булучылар аны башкачарак түли, дип ишеткән идек. Илдус НАСЫЙБУЛЛИН, Казан»
- Федераль салым хезмәте ТР идарәсенең салым түләүчеләр белән эшләү бүлеге җитәкчесе Наталья Мельникова аңлатуынча, әгәр фатирларның икесе дә бер үк муниципаль берәмлектә урнашкан икән (бу очракта Казанда), милек салымы аерым түләнелми. Торакларның инвентаризация бәяләре бергә кушыла да, хуҗасына шуның 0,1 проценты күләмендә салым билгеләнә.