Бәхет «Рубин»га елмайды

«Рубин» футбол командасы Премьер-лига кысаларында 23 сентябрьдә узган турда Краснодарның «Кубань» командасын кабул итте. Казанлыларның сакчысы Сальваторе Боккеттиның беренче таймның өстәмә минутларында керткән бердәнбер тубы бәрабәренә якташларыбыз җиңүгә иреште. Нәтиҗәдә бу ике команда турнир таблицасында урыннарын алмаштылар: Татарстан командасы, 15 очко белән, жиденче урынга менсә, «Кубань» сигезенче урынга төшәргә мәҗбүр булды - аның исәбендә 13 очко.
Казан клубы 26 сентябрьдә Россия Кубогының 1/16 өлешендә Красноярскиның «Енисей» командасы белән очрашачак.