Билалетдинов әлегә Якуповтан баш тарта

«Нефтехимик» (Түбән Кама) хоккей мәктәбендә тәрбияләнгән Наил Якупов бу сезонда, НХЛның яңа уенчылары арасында яхшы нәтиҗәләр күрсәтеп, «Колдер трофи»га дәгъва итә. «Эдмонтон» составында уздырган 48 матчта гол + пас системасы буенча 31 оч­ко җыйган Наил яңа уенчылар арасында иң ях­шы бомбардир булып танылды. Шулай да ил җыелма командасының баш ос­тазы Зиннәтулла Билалетдинов егетнең потенциалын төп командада сынарга ашыкмый әле. Шушы көн­нәрдә әңгәмә­ләренең берсендә ул моны ачык аңларга җирлек бирде:
Мин аның белән элем­тәгә кермәдем. Бу юлы дөнья чемпионатына аны алмыйбыз.