Чемпионнар диңгездә: көрәшеп җыйган акчаларын быел диңгезгә тоталар

21 июньдә үк киткәннәр. Республика буенча ярышларда I, II урыннар яулап йөрүләрен исәпкә алып, лагерьга юлламаны ТР Спорт министрлыгы бүләк иткән. Юл чыгымнары — үзләреннән.  
— Менә синең яшь дусларың Кара диңгезгә ял итәргә китеп барды бит әле. Самир көрәшеп җыйган акчасын быел диңгезгә тота инде. Әти-әниләре белән дә сөйләшергә вакытлары юк: көнне иртәнге сәгать 7 дә зарядка белән башлыйлар, төнге сәгать 11дә дискәтүктән соң арып-талып кереп яталар. Режим. Бик күңелле, кызык, диләр. Түләүле экскурсияләргә дә барып килгәннәр. Аяз белән Самир бер бүлмәдә. Бөтен җирдә актив булганга, әйдаманнары билгеләве буенча, икесе дә ике тапкыр “Көн герое” (“Герой дня”) булып куйганнар. “Коенып, кызынып, көч җыеп, Питрауга кайтабыз, көрәшергә”, — диделәр. Исән-сау ял итеп кайтсыннар!  — дип уртаклашты Самирның әнисе Рәмзия Ахунова. 

Лилия Йосыпова