#Спорт 07 май 2020, 10:39

Чемпион юк, ләкин “Ак Барс” – беренче! Алфавит тәртибе буенча...

07 май 2020, 10:39

Континенталь хоккей лигасы вакытыннан алда тәмамлану сәбәпле, КХЛ хоккей буенча ил чемпионын да, Гагарин Кубогы иясен дә ачыкламаска булган. Ләкин “Ак Барс” – барыбер беренче!

Скопировать ссылку

Чемпион юк, ләкин “Ак Барс” – беренче! Алфавит тәртибе буенча...

КХЛ регламенты буенча хоккей буенча Россия чемпионаты ике этаптан тора. Беренчесенең нәтиҗәләре буенча регуляр чемпионатның җиңүчесе билгеләнә, икенче этапта исә плей-офф нәтиҗәләре буенча Гагарин Кубогы иясе ачыклана.

Коронавируска каршы көрәш сәбәпле, КХЛда да ярышлар вакытыннан алда тәмамланды. Инде плей-офф уеннары барган булуга карамастан, лига җитәкчелеге регуляр чемпионат җиңүчеләрен дә ачыклап тормаска булган. Янәсе, бу спорт принципларына туры килми. Шулай да КХЛ чемпионатның турнир таблицасын билгеләгән. Дөресрәге, плей-оффның ¼ финал өлешенә чыккан командалар беренче урыннан алып, сигезенче урынга кадәр бердәм урын алган. Командалар исә алфавит тәртибендә урнаштырылган. Ә алфавит тәртибендә беренче урында – Казанның “Ак Барс” командасы. Регуляр чемпионатта беренче урында калган ЦСКА исә ахыргы – сигезенче урында...

Кызыклы яңалыкларны күзәтеп бару өчен безнең МАХ каналына кушылыгыз.