Чынлы Сабан туе батырына 100 000 сум акча! Кемгә?

Чүпрәле районының Кече Чынлы авылында быел да Сабан туенда хатын-кызлар арасында көрәш ярышлары узачак. Җиңүчегә "Чынлы" хуҗалыгы җитәкчесе Барис Гафуров 100 000 сум вәгъдә итә. Узган ел җиңүчегә 50 мең сум тапшырган. Шулай ук һәр катнашучыга 10 ар мең сум биргән. Келәмгә Казан, Ульяновск, Әлмәттән хәтле килгән көрәшчеләр чыккан. 
Быел күбрәк көрәшчеләрне көтәләр. 

Ир-ат көрәшчеләрләрне өч төркемгә бүлеп бүләклиләр: кунаклар, яшьләр, авылның төп көрәшчеләре. Өчесенә өч тәкә. Моннан тыш, телевизор,  тузан суырткыч һәм башка бүләкләр көтә, ди оештыручылар.

Кече Чынлыда Сабан туе 6 июньдә үтәчәк.