«Ярдәм итәргә һәрчак әзер егет иде. Ышанып та булмый...»

Илшат ике ел да ике ай дәвамында "синовиаль саркома" белән көрәшкән. Әмма яман чир үзенекен итте. 

Илшат Казан дәүләт энергетика университетында укый иде. Көрәш белән дә шундагы залда шөгыльләнде. Тренеры Илдар абый Хәбибуллин иде.
- Илшат - бик тыныч, тырыш, гади авыл егете иде. Ярдәм итәргә һәрчак әзер иде. Абыйсы бу хакта шалтыратып әйткәндә, эштә идем. Көтелмәгән булды. Бик авыр кабул иттем. Ышанып та булмый. Бер атна элек, узган шимбәдә генә язышкан идек аның белән, - дип белдерде безгә Илшатның дусты, якташы көрәшче Илназ Димиев.

Илшатны иртәгә Мамадыш районының Түбән Тәкәнеш авылы зиратына сәгать 10да җирләячәкләр. 

Хәмизуллиннар гаиләсенең, Илшатның барлык якыннарының олы кайгысын уртаклашабыз. Урыны оҗмахта булсын! Шундый авыр чакларында ярдәм итәргә теләүчеләр булса, Илшатның әнисе номеры буенча акча күчерергә мөмкин. Номеры: 89509694438 ("Ак Барс" банк). Хамизуллина Резида Харуновна исеменә күчерәсе.