Искәндәр Мортазин: «Өйгә кайтасы килә...»

Бар да яхшы булса, иртәгә, бәлки, чыгарырлар. 
- Бер дә монда ятасы килми, өйгә кайтасы килә... - ди Искәндәр елмаеп. - 23 ноябрьдә футболда имгәндем. 2 декабрьдә операция ясадылар. "Передняя и внутренная крестообразная связка"лар өзелгән. Кичә аякка бастым. Табиб әкренләп аякны күтәрә башларга кушты. Бүген инде ике аякка басарга рөхсәт, диделәр. Әмма операция ясалган аяк белән әлегә йөрергә ярамый. Таяклар ярдәмендә хәрәкәтләнәм. 
Искәндәр хастаханә палатасында да көрәшне уйлап ята икән әле. Көрәш көрәшченең канында шул ул...
- Шунысы кызганыч, көрәшкә форма әйбәт иде... Иптәш егет, травматолог, «берәр ел түзәсе була инде көрәшмичә», - дип әйтте инде, - ди Искәндәр. 
Хәзер ничек тә тернәкләнәсе, тулысынча аякка басасы, бик сакланасы иде. Бар да яхшы уза күрсен, Искәндәр! Тулысынча җайланып беткәч, келәмнәрдә күрешербез әле, Аллаһ боерса!