«Кайбер моментларда матур уйныйсы килде»: «Зенит-Казан» «НОВА»ны җиңде.

Беренче партия бик ышанычлы адымнардан башланды. Зенит-Казан уенның беренче минутларында өч уенчыдан торган 2 блокны рәттән куйды. Җитмәсә, шушы матур блокларны эйс белән дә беркетеп куйдылар. Әмма ләкин, партия ахырына берничә туп өстенлекне югалтып, вакыт сузылды. Шуңа да карамастан, беренче партияне Казан командасы алды, исәп 25:18 иде. 

Уеннан алдыннан барган күнегүләр вакытында, НОВА командасы уенчыларының күтәренке кәефен билгеләп үтергә кирәк. Бер-берсе белән шаярып әзерләнде алар. Аларның командасы өчен җан атарга махсус плакат ясаган җанатар да булды. Волейбол карарга Татарстан Республикасы Рәисе администрациясе җитәкчесе Әсгать Сәфәров та килгән иде.

Икенче партиянең башы да авыр булды, шулай дәвам да итте. Бер ара Зенит-Казан командасы 10:18 исәбе белән җиңелеп барды. Шунда ук куып тотып, җиңү авыр булачагы билгеле иде. Яңа Куйбышев шәһәреннән килгән команданың бар туплары үз ноктасына төшеп, очко китерә иде. Монда блок та, прием да, подача да какшады. Нәтиҗәдә НОВА командасы партияне 14:25 исәбе белән җиңде. Роман Романовский икенче партия турында: "Бәлки көндәшләрне бәяләп бетермәгәнбездер. Әмма икенче партиядә мондый зур аерма белән җиңелү аңа гына кайтып калмый. Кайбер моментларда безнең, тренировкалардагы кебек, матур  уйныйсы килде. Килеп чыкмады. Ләкин исәп таблода, без җиңүче"- диде. Роман үзе бу уенда блокта да, һөҗүмдә дә актив булды ( 2 блок, 9 очко, 83% уңышлы һөҗүм)

Мондый икенче партиядән соң, Зенит-Казан ачу белән чыкты. Беренче баллны алар үз исемнәренә языр куйдылар. Әмма НОВА командасы бу һөҗүмнәргә лаеклы җавап кайтарып, исәпне бертигез алып барды. Партия бик кызу булды, ләкин Зенит-Казан уенчылары көндәшләргә алга чыгарга мөмкинлек бирмәде, исәп 25:22 булды. Узган уенда катнашмаган легионерлар Дражен Лубурич (12 очко, 48% уңышлы һөҗүм) Сантьяго Данани (29 прием, 76% "позитив", 45% "отличный" прием), бу уенда беренче минуттан ук чыктылар.

Дүртенче партиядә Казанлыларда җиңү теләге аеруча нык иде. Уенны сузасылары килмәде, ахры. Соңгы партиядә исәп 25:17 булды. НОВА командасының баш тренеры Олег Миканович: "Беренче партиядә Зенитның подачасына каршы торып булмады. Икенче партиядә бик уңышлы һөҗүм иттек. Уенчылар молодцы. Безнең максат - плей-офф зонасында барырга. Лидер командалар белән үзебезне күрсәтергә тырышабыз" - дип билгеләп үтте. Кунаклар составында иң яхшы уенчы, мөгаен Николай Зубов ( булгандыр 19 очко, 66% уңышлы һөҗүм)

Зенит-Казанның киләсе уены 18 январь Ярославич командасына каршы булачак. Алар таблицада 14 нче урында баралар.

Илнар Камаев