#Спорт 08 март 2026, 18:46

Казанның «Рубин» командасы чемпионат лидеры «Краснодар»ны отты

08 март 2026, 18:46

«Рубин» бүген үз мәйданында Россия чемпионатының лидеры, узган елгы чемпион «Краснодар»ны кабул итте. Уен казанлылар файдасына 2:1 исәбе белән тәмамланды.

Скопировать ссылку

Казанда салкын иде. Уен башланыр алдыннан матчны уздырырга кирәкме икән дигән сораулар да булды. Температура күрсәткечләр мөмкинлек биргәч, уздырырга булдылар.

"Рубин"ның баш тренер Франк Артига өчен дә имтихан иде бу: үз тамашачылары алдында яңа баш тренерның беренче уены. Гомумән алганда, "Рубин" матур тәэсир калдырды. Өстенлек тә уен дәвамында безнең якта булды. Беренче таймда ук яңа уенчыбыз Назми Грипши исәпне ачты, ә икенче таймда Нижегородов (Россия премьер-лигасында беренче голын кертте) исәпне 2:0 ясады. Уенның ахырында көндәшләр бер туп кертте кертүен...

Шунысы кызык, әлеге очрашу алдыннан "Зенит"ның "Оренбург"ка оттырганы турында билгеле булды. Җиңгән очракта "Краснодар" беренче урындагы позициясен тагын да ныгыта ала иде. Булмады. Салкын казанлыларга булышты, димәк.

Кызыклы яңалыкларны күзәтеп бару өчен безнең МАХ каналына кушылыгыз.