Россия чемпионатында беренче-өченче урынны яулаучылар спорт остасы исемен алачак!

Ил чемпионаты Казанның ике спорт корылмасы базасында узачак: беренчел көрәшләр 7 декабрьдә Идел буе спорт академиясенең Уку-лаборатория корпусы спорт залында (Универсиада Авылы ур., 35 йорт) узачак, ә финал ярышларын «Ак Барс» Көрәш Сараенда (Фатыйх Әмирхан ур., 1 йорт) 8 декабрьдә карарга мөмкин булачак.

Ярышларны ачу тантанасы 8 декабрь көнне 12:30 сәгатьтә «Ак Барс»көрәш сараенда узачак. Тамашачыларны якты шоу, Япония һәм Франциядә күрсәтелгән билбау көрәше, шулай ук театр һәм кино актеры Антон Богданов үткәрәчәк смартфоннар уйнату көтә.

Ярышлар 60 кг, 65 кг, 70 кг, 75 кг, 80 кг, 85 кг, 90 кг, 100 кг, 130 кг һәм 130 кг. нан артык авырлык категорияләрендә узачак.

Татарстан Республикасы данын Татарстан чемпионатында элек үз авырлык категорияләрендә җиңү яулаган 10 кешедән торган җыелма команда яклаячак. Алар: Раббани Нургалиев, Искәндәр Мортазин, Динар Кәримуллин, Рамил Синякаев, Ренас Кәлимуллин, Нәфис Галиев, Илмир Төхвәтуллин, Раил Нургалиев, Муса Галләмов, Фәрхәт Фәйзуллин.

2019 елгы чемпионатта яңартылган классификация кертелгәннән соң беренче тапкыр спорт мастеры исемен һәр авырлык категориясендә беренче өч урын иясе (беренче, икенче һәм өченче урыннар) – барлыгы 40 спортчы алачак.

Татарстан Республикасы спорт министрлыгы матбугат хезмәте