Татар-башкорт көрәше быелга тәмам. "Ак Барс" Фирдүс Тямаев үчен алды?

Казанның "Ак Барс" хоккей командасы Уфада җирле "Салават Юлаев"ны икенче уенда да отуга иреште. Исәп - 3:2 казанлылар файдасына, ә гомуми исәп исә - 4:0. Шул рәвешле, казанлыларның бу юлы Уфа командасын тар-мар итүгә иреште.

Уфадагы беренче уен якташларыбыз файдасына тәмамлангач, соңгы очрашуда безнекеләр оттырыр дигән шик бар иде. Беренчедән, "Салават Юлаев"ның әле плей-оффларда 0:4 исәбе белән җиңелгәне юк иде. Көчсез команда түгел. Җитмәсә, көндәше дә - "Ак Барс". Аннан килеп, кайберәүләр финанс керемне дә исәпли булып чыкты: янәсе Казанда тагын бер матч уза калса, "Ак Барс" шактый гына акча эшләргә дә мөмкин бит. Билетлар һәм башкасын күз алдында тотуым. Янәсе, хоккей - ул бизнес, бар да сөйләшенгән. Казан - Уфа каршылыгында бу турыда сөйләп буламы икән?

Ләкин алай булмады. Дөресрәге, булырга мөмкин дә иде. Якташларыбыз уен барышында исәпне 3:0 ясагач, күпләр инде җиңүне "юа" башлагандыр. Уфалылар, көтмәгәндә, исәпне 2:3 ясап куйдылар. Әллә югарыда аталган шик-шөбһәләр чынга ашамы соң? Аллаһка шөкер, "Ак Барс" бик оста итеп саклана алды һәм уенны барыбер үз файдасына тәмамлады. Быелга татар-башкорт көрәше тәмам. Әлегә берсе...

"Ак Барс" исә үз конференциясе финалында көндәшен көтә хәзер. Без дә көтәбез. "Авангард"мы, "Металлург"мы?

Фото: https://www.ak-bars.ru/