Хәлил Шәйхетдинов «Ак Барс» Көрәш сарае парковкасына түләп керү турында аңлатма бирде

"Ак Барс" Көрәш сараена килүчеләр өчен түләүле парковка булдырылган дигән сорауга Татарстан спорт министрының беренче урынбасары Хәлил Шәйхетдинов аңлатмасы:
"Мин бу мәсьәләгә уңай карыйм. Чөнки сезнең кесәгездә акча булырга мөмкин, ә сез урын тапмаска мөмкинсез. "Ак Барс" Көрәш сараен каршында бик зур йортлар төзелде. Көрәш сарае хезмәткәрләре иртән эшкә килгәндә, бөтен парковка тулган булган икән. Шунда шөгыльләнергә килүчеләр дә эләгә алмый башлаган. Хәзер анда шөгыльләнергә килүчеләрнең исемнәре төзелгән, аларның пропусклары бар, түләп тормыйлар. Ярышларга килүче, көрәшебезне карарга килүче ветеран көрәшчеләребезгә, чакырылган кунакларга, эшләргә килүчеләргә хәзер исемлеккә кертелә. 
Бу үзенә күрә тәртип тә. Иминлек, куркынычсызлык мәсьәләсе дә беренче планда тора. Парковкада тәртип салуны МВД хезмәткәрләре дә таләп итә. Без бу турында шактый күп сөйләштек. Дөресен әйтәм, башта үземдә дә аңлашылмаучанлык бар иде. Көрәш сарае генераль директоры Айрат Фәрхетдинович миңа барысын да аңлаткач, мин гафу үтенеп чыгып киттем".