Айрат Фәррахов Татарстанда “Бердәм Россия” праймеризында җиңде

Икенче урынны Дәүләт Советы вице-спикеры Татьяна Ларионова, өченче урынны Түбән Кама мэры Айдар Метшин алды. Шулай ук Дәүләт Думасы депутатлары Ирек Богуславский, Ольга Павлова, Марат Бариев, Мурад Гаделшин, Дәүләт Советы депутаты Геннадий Глушков, район башлыклары Рөстәм Кәлимуллин, Анатолий Иванов, Вячеслав Козлов югары урыннарны алдылар. Җиңүчеләр арасында шулай ук Татарстанның Башкортстандагы даими вәкиле Йосыф Якубов, Татарстан Президенты аппараты җитәкчесе урынбасары Александр Терентьев, "Бердәм Россия" кадрлар сәясәте идарәсе җитәкчесе урынбасары Илнар Гыйрфанов, Территорияләрне инвестицион үстерү фонды генераль директоры урынбасары Руслан Гаджиев та бар.