Рөстәм Миңнеханов хәрбиләрне Ватанны саклаучылар көне белән котлады

—  Ватанны саклаучылар көне Ватанга тугрылык һәм хезмәт символына әверелде. Бу көнне буыннар элемтәсе нык сизелә. Без бабаларыбызның һәм әтиләребезнең батырлыкларын хөрмәтләп саклыйбыз. Бүген махсус хәрби операциядә катнашучылар ил сагына басты, алар неонацистларга каршы кыю сугыша. Хәрби һәм гражданлык бурычын үтәгән һәркемгә минем зур рәхмәтемне белдерәсем килә. Без махсус хәрби операциядә катнашучыларның исемнәрен мәңгеләштерү һәм аларны кайгырту өчен чаралар күрергә тиеш. Киләчәк буыннарны батырлар, җиңүчеләр үрнәгендә тәрбияләү- безнең бурыч,-диде үзенең котлау чыгышында Рөстәм Миңнеханов.

Махсус хәрби операциядә һәлак булганнар, Рөстәм Миңнеханов тәкъдимендә, 1 минут тынлык белән хәтергә алынды. Герой якташларыбыз- Борис Кузнецовка, Мәгүбә Сыртлановага, Гани Сафиуллинга, Рәфәгать Хәбибуллинга бюстлар һәм мемориаль такталар куелганлыгын әйтте ул.

Татарстан Рәисе батырлык күрсәткән хәрбиләргә һәм җәмәгать активистларына дәүләт бүләкләре тапшырды. Республиканың сәнгать осталары Ватанны саклаучылар хөрмәтенә концерт куйды.