#Сәясәт 17 октябрь 2022, 11:59

Рөстәм Миңнеханов модернизацияләнгән «Азино» котельныенда булды

17 октябрь 2022, 11:59

Татарстан Президенты Рөстәм Миңнеханов Казанда модернизацияләнгән «Азино» котельныенда булды. Аны Казан мэры Илсур Метшин һәм «Татэнерго» АҖ генераль директоры Рәүзил Хаҗиев озата йөрде. «Азино» котельные 1987 елда шул исемдәге микрорайонны җылылык белән тәэмин итү өчен файдалануга тапшырылган. Җылылык йөкләнешенең алга таба үсүенә бәйле рәвештә 1994 елда икенче су җылыткыч Казан төзелеп беткән һәм файдалануга тапшырылган. 2022 елның көзендә өченче су җылыткыч Казан файдалануга тапшырыла.

Скопировать ссылку

Рөстәм Миңнеханов модернизацияләнгән «Азино» котельныенда булды

Рәүзил Хаҗиев хәбәр иткәнчә, Казанның актив төзелә торган Совет районында котельныйны модернизацияләү җылылык егәрлекләрен 100 Гкал/сәг арттырган, бу исә 140 мең кеше өчен җылытыла торган 3,7 млн. кв. метр мәйданны җылылык белән тәэмин итәргә мөмкинлек бирә. Моннан тыш, бу 50 мең кеше өчен өстәмә 1,1 млн. кв. м җылытыла торган мәйданны тоташтыру мөмкинлеген булдырырга мөмкинлек бирә.

Модернизацияләү барышында 280 тонна металл конструкцияләре, 105,7 км кабель, 8,5 км торбаүткәргеч монтажланган, 3500 м3 бетон салынган, 28300 м2 территория төзекләндерелгән.

Үзәкләштерелгән контроль, идарә итү һәм эксплуатацияне куркынычсыз тәэмин итү өчен су казаннары, резерв ягулык хуҗалыгы, электротехника һәм ярдәмче җиһазлар заманча тулы масштаблы, автоматлаштырылган технологик процессларга идарә итү системасы белән җиһазландырылган.