“Татарстанда сәяси активлык артты”

Хәзер исә яңа коронавирус инфекциясе безгә атнаның кайсы көнендә теләсәк, шул көнне тавыш биреп кайтарга мөмкинлек бирә. Билгеле, бу процессны оештыру белән шөгыльләнгән сайлау комиссияләренә дә өстәмә эш йөкләнелә. Чөнки Үзәк сайлау комиссиясе җитәкчесе Андрей Кондратьев: “Сайлау участогына бару — кибеткә керүдән дә куркынычсызрак булачак”, - дип вәгъдә иткән иде. Сайлау участокларына килүчеләргә битлек белән перчатка гына түгел, хәтта ручкаларга кадәр әзерләп куйганнар бит!

- Җитәкчелек белән бергә, Татарстан бу юнәлештә зур эш башкарды. Татарстанның иң ерак районнарында урнашкан сайлау участоклары да индивидуаль саклану чаралары белән тәэмин ителде, - ди Андрей Кондратьев.

Шуны да билгеләп үтәргә кирәк: сайлау участокларының мәйданнары төрле, әмма система тавыш биреп, бинадан чыга торган кеше белән тавыш бирергә кереп кенә бара торган кеше очрашмаслык итеп эшләнелгән.
Моннан тыш, сайлау участогында эшләячеләр дә, эш башланыр алдыннан тән температурасын үлчәү, дезинфекцияләү кебек процедуралар уза.

- Сайлау участокларына килүчеләр күпчелеге үзләренең битлекләре, перчаткалары һәм ручкалары белән иде. Паспорт та хәзер кулдан-кулга күчерелми. Кеше аны ачып кына күрсәтә. Тавыш бирүгә әзерләнгәндә, сайлау комиссиясе әгъзаларының кайберләре андый аралыкта паспорт мәгълүматларын күрми булып чыкты. Әгъзаларны тренировать иттек. Татарстанның сайлау системасы нинди көчле һәм тотрыклы булмасын, стресслы сынау уза. Соңгы атнада Татарстанда сәяси активлык бик нык үсте. Шәхсән мин үзем генә дә партияләрнең берничә конференцияләренә чакыру алдым. Бу эпидемиологик хәлдән чыгуның бик яхшы күрсәткече, - диде Андрей Кондратьев.

Ул шулай ук Казан һәм Чаллыда территориаль сайлау участокларының видеокамералар белән тулысынча тәэмин ителүен, моның арзанлы процедура булмавын, әмма республика җитәкчелеге тавыш бирүләр “чиста” узсын өчен барыбер мөмкинлекләр табуын да ассызыклады.
Сайлау комиссиясе рәисе сүзләренчә, өй алларында барлыгы 347 мәйданда тавыш бирү оештырылган. “Ачык һавада моны эшләү күпкә куркынычсызрак”, -ди ул. Әмма барлык районнарда да мондый күчмә участоклар булдыру мәҗбүри итеп куелмаган.

Сайлау участокларын белмәүчеләр өчен Үзәк сайлау комиссиясе сайтына мөрәҗәгать итә ала. Анда сайлау комиссияләренең адреслары, телефоннары, сайлау комиссиясе әгъзалары – барысы да язылган.
Беренче көн булганлыктанмы, кайбер сайлау участокларында эш графигы буенча аңлашылмаучанлыклар да килеп чыккан. Андый очракларны Кондратьев Үзәк сайлау комиссиясенә хәбәр итәргә тәкъдим итте.

Лилия ЛОКМАНОВА