Айрат Фәррахов «Язылу бүләк ит» акциясендә «Шәһри Казан»га яздырып, күпбалалы гаиләләргә, социаль оешмаларга бүләк ясады (ФОТОРЕПОРТАЖ)

Россия Дәүләт Думасы депутаты Айрат Фәррахов #Язылу бүләк ит - 2017 ( # Подари подписку - 2017) акциясендә катнашты. Ул күпбалалы гаиләләргә, социаль оешмаларга 2017 елның беренче ярты еллыгына "Шәһри Казан" газетасына подписка бүләк итте.

Шулай итеп Балтач районының Арбор авылыннан Шакировлар, Яшел Үзән районының Норлат авылыннан Вахитовлар һәм Гәрәевлар, Яшел Үзәннең "Рәхәт" социаль реабилитация бүлеге, Зәйдәге, Сабадагы реабилитация үзәкләре һәм "Шәһри Казан" уздырган төрле бәйгеләрдә җиңүчеләр ярты ел дәвамында газета укыячак.

- "Шәһри Казан" социаль темаларны актив яктыртучы газета. Шуңа күрә мин дә бу яздыру акциясен күтәреп алып, социаль яктан яклауга мохтаҗ кешеләргә бүләк ясарга булдым, - диде Айрат Фәррахов.