«Белем җәүһәрләре» бәйгесенә йомгак ясалды: «Шәһри Казан» икеләтә җиңүче!

"Шәһри Казан" "Белем җәүһәрләре" X Дөньякүләм интернет-проектлар бәйгесендә  "Инстаграмда иң файдалы һәм популяр татар аккаунты" номинациясендә - икенче, ә "В контакте социаль челтәрендә иң файдалы һәм популяр татар төркеме" номинациясендә өченче урынны яулады.

Быелгы "Белем җәүһәрләре" бәйгесендә "Шәһри Казан"га чын мәгънәсендә бәхет елмайды.

Әлеге уңышлардан тыш редакциябезнең баш мөхәррире Радик Сабиров татар интернетын үстерүдәге өлеше өчен И.Метшинның рәхмәт хаты белән бүләкләнде.

Тавыш бирү этабында "Шәһри Казан" ике номинациядә иң күп тавыш җыючы булды. Безнең белән бергә булганыгыз өчен, рәхмәт сезгә, укучыларыбыз!