#Төп тема 17 ноябрь 2017, 12:35

Boeing 737-500 авиалайнерының Казан аэропортына төшкәндә һәлакәткә очравына дүрт ел булды

17 ноябрь 2017, 12:35

Казанда Боинг-737 авиаһәлакәте корбаннарын искә алдылар. Әлеге уңайдан бүген «Казан» халыкара аэропортында матәм митингы узды. Чарада Татарстан Премьер-министры Алексей Песошин, Татарстан хезмәт, халыкны эш белән тәэмин итү һәм социаль яклау министры Эльмира Зарипова, Татарстан транспорт һәм юл хуҗалыгы министры Ленар Сафин, һәлак булучыларның туганнары һәм дуслары катнашты.

Скопировать ссылку

Boeing 737-500 авиалайнерының Казан аэропортына төшкәндә һәлакәткә очравына дүрт ел булды

Митинг аэропорттагы мемориаль комплекс территориясендә оештырылды. Чарага җыелган кешеләр фаҗига корбаннарын бер минут тынлык белән искә алды һәм һәлак булганнарның исемнәре язылган мемориалга чәчәкләр куйды, дип хәбәр итә Татар-информ.

Шунысын да искәртик: фаҗига 2013 елның 17 ноябрендә «Казан» халыкара аэропортында килеп чыкты. «Татарстан» авиакомпаниясенең Boeing 737-500 авиалайнеры Казан аэропортына төшеп утырган вакытта һәлакәткә юлыкты. Мәскәүдән Казанга кайтып килгән барлык кешеләрнең дә (44 пассажир һәм 6 экипаж әгъзасы) гомере өзелде.

Әлеге факт буенча Дәүләтара авиация комитеты тарафыннан тикшерү үткәрелде. Аның нәтиҗәләренә таянып, очышларның иминлеген арттыру буенча тәкъдимнәр әзерләнде.

Фото: Татар-информ

Кызыклы яңалыкларны күзәтеп бару өчен Т елеграмга кушылыгыз.

#Boeing 737-500