Татарстан хөкүмәте тарафыннан республикада 1 октябрь - Ат көне дип игълан ителде. Арча районының Яңа Кырлай авылында 1 октябрьдә «Ат көне» бәйрәме үткәрелә, мәдәни-спорт программасы 10.00 сәгатьтә башлана.
Скопировать ссылку
Татарстан хөкүмәте тарафыннан республикада 1 октябрь - Ат көне дип игълан ителде. Арча районының Яңа Кырлай авылында 1 октябрьдә «Ат көне» бәйрәме үткәрелә, мәдәни-спорт программасы 10.00 сәгатьтә башлана.
- Габдулла Тукайның туган ягында Ат бәйрәме инде өченче ел оештырыла. Быел җайдакларның 40 һәм 80 километрга чабышлары буенча Россия чемпионаты этабы да Яңа Кырлайда уза, - дип күңелле яңалык җиткерде Татарстан премьер-министры урынбасары Васил Шәйхразиев кичә «Татмедиа» агентлыгында.
Мәскәү, Мәскәү өлкәсе, Краснодар крае, Төмән өлкәсе, Кавказдагы республикалар, Татарстанга чиктәш республикалар ат чабышларында катнашачакларын белдергәннәр инде.
- Республика районнарыннан да киләчәкләр. Спортчылар чыгышларыннан тыш та күңелле ярышлар оештырыла. Мәсәлән, «Иң оста ат җигүче» бәйгесе, - дип таныштыруны дәвам итте Васил Шәйхразиев, - атка тиз генә арба җигәргә, арбага капчыклар төяп алып барып бушатырга һәм атны туарырга кирәк. «Авыл егетләре» исеме астында җайдакларның гадәти авыл атларында чабышлары була. «Иң матур җигүле ат», шулай ук яңа арбаларга һәм чаналарга конкурслар үтә.
Зур ярминкә оештырыла, сәүдә оешмалары белән беррәттән фермерлар да казылыклар, кымыз сатачак.
Комментарийлар