Казанлыларны макулатура тапшырырга чакыралар
Агымдагы атнаның шимбә көнендә, ягъни 24 ноябрьдә «Башкага ярдәм ит!» иҗтимагый оешмасы макулатура җыю буенча акция уздыра. Макулатура Себер трактындагы 23 нче а йортында кабул ителәчәк.
Агымдагы атнаның шимбә көнендә, ягъни 24 ноябрьдә «Башкага ярдәм ит!» иҗтимагый оешмасы макулатура җыю буенча акция уздыра. Макулатура Себер трактындагы 23 нче а йортында кабул ителәчәк.
Акция чүп-чарны аерым җыю кысаларында узачак. Кызганыч ки, Россиядә, башка илләрдәге кебек, чыгарып ташланган чүпне аерым җыю киң таралмаган. Ә бу исә калдыкларны кабат эшкәртүне җиңеләйтер һәм икенче чималдан эшләнгән продукциянең сыйфатын яхшыртыр, полигоннарның санын киметер, шулай ук илдәге экологик хәлне яхшыртыр иде.
Бер караганда, кирәкмәгән газета-журналларны тапшыру ул өйдә җыелып яткан әллә ничә килограмм кәгазьләрдән арыну гына түгел, ә экологиябезгә дә сизелерлек ярдәм булыр иде, ди акцияне оештыручылар.
Кызыклы яңалыкларны күзәтеп бару өчен Телеграм-каналга кушылыгыз.
Комментарийлар